من مذكرات طالب هامل

استعرض الموضوع السابق استعرض الموضوع التالي اذهب الى الأسفل

m2 من مذكرات طالب هامل

مُساهمة من طرف omar-refe في الإثنين يونيو 16, 2008 1:36 am

يوم الخميس
امتحان علوم .. ولا نعرف من نلوم ..

اطلعت ع الجدول .. لئيت علوم ..
فحسيت بغصة بنص البلعوم ..
ما رح تفرق عن الرياضيات ..
اللهم إنو ما في نظريات
بؤوم باخد بندول اكسترا
لعل وعسى اللي في عئلي يشفى
(من صدمة الرسوب بالرياضيات )

حكيت ما رح أعيد الكرّة ..
و أشرب نسكافيه من هون لبكرا ..
كاسة وحدة بتكفي..
وبتخلي عئلي يمشي ..
حاولت أحسب كم ساعة بتبئى من اليوم ..
بس طبعا الي فاشل بالرياضيات مو شاطر ~إلا بالنوم
بعد ساعة تدوير ع الكتاب ..
لئيتو محطوط عند الشباك ..
وتلت رباع الكلام ممحي _ ( من الشمس_
والشاطر يفهم شو بيحكي ..

.. الوحدة الأولى عن الزراعة ..
حكيت بعئلي .. راحت أيام الفلاحة ؟
أسمدة كيماوية و تانية طبيعية ..
و دورة زراعية و غيرها منزلية !!
حكيت يا عمي شو بدي هالخبايص
شو بدي أكون فلاح ؟ هاد اللي نائص
صرت أضرب حالي كفوف
بس المشكلة ما بشوف غير الملفوف

برتقان رمان ..موز و شمام ..
وبطني عم يشتهي كمان و كمان
بروح ع المطبخ و بضلي أحش
لحد ما احس انو تعب هالكرش
بحس بخمول ببشرني بنوم
بزت حالي وبسحبها نوم
وبرجع بصحى ع كابوس امتحان العلوم
..( الوحدة التانية ( الأولى ما اندرست
صخور كتيرة و منها عجيبة ..
و أنا عامل حالي مسكين
حكيت يلا يا شاطر بلش
أروح تارك كلمة و التانية ياخي طنش

أسماء كتيرة .. يا عمي غريبة
هيماتيت .. هاليت ..
سيديرت . مجنتيت ..
حكيت يا ربي ساعدني
حتى الشعر ما ضل عندي
سكر مخي وتنح عئلي
حكيت بحالي ما ئلي غير البيبسي
بيجي ابوي بسكر الكمبيوتر.
والكزب ببلش من هون
كيف الدراسة ؟
الدراسة منيحة و النجاح ضامنة

.. ولو يعرف
ليلطم ع ئبري ..

بحكيلو مش شايفني عم بدح
؟
وبروح بنام..
وبصحى وبعدني نفس الموال ..
خلص عرفت مصيري ..
ما أنا يلي عملتو بإيدي
وشفت الرسوب مكتوب بالهوا
حكيت يا ويلي اكلناها


الوحدة التالتة ( ما ضل من 12 ساعة غير 6 ساعات
حكيت لا خلص هالمرة جد ..
و انا بعرف انو لهمالتي ما في حد
الوحدة التالتة ما بعرف عنها
حتى المس ما كنت بسمعها
أكسجين
هيدروجين
كربون
نتيروجين
شكلو يا ربي كلام من الصين
..أسماء غريبة واحرف عجيبة..
وانا كإني عم بئرى بجريدة
ولكم حتى الوئت ما ضل عندي
والمعلومات بلشت تطير من مخي
انا ما ضل فيي عئل
واللي براسي كمان فتل
دعست ع الكتاب وضليت
ماشي.
ورحت انخمدت بأئرب ناحية


ع أساس أصحى ع الفجر
و آكلي كم حبة تمر ..
وبيجي الفجر و الموبايل برن
وصوتو بداني عم بطن
حكيت يا عمي ما في حل
غير إنو أخبطو بأئرب محل
و فجأة
بصحى
بطلع هيك بلائيها سبعة
بروح بلبس أواعية بسرعة
بنضف سناني بسلم ع جيراني
وبنزل بشتري من الدكاني

=======
بالامتحان
.. استلمت الورئة ما بعرف شو صار
كل يلي بعئلي طار
( هاد ازا كان في معلومات)
صرت أكتب أيا كلام
و كمان بألف..يا سلااام
حكيت وينك يا آينشتاين
لازم تطلع تحللي الإمتحان
ولو علي ما بئصر
بطلعك من الئبر وما بأثر
سلمت الامتحان
حكيت والله يا ناس النظافة واجبة
وطبعا
المكتوب مبين من عنوانو


دمتم بخير

التوقيع

من ضن انه علم فقد جهل !!!!!!!!
lol! lol! cyclops Sleep
avatar
omar-refe
عضو ماسي
عضو ماسي

عدد الرسائل : 307
العمر : 33
علم بلدك :
تاريخ التسجيل : 29/03/2008

الرجوع الى أعلى الصفحة اذهب الى الأسفل

m2 رد: من مذكرات طالب هامل

مُساهمة من طرف م حسام الرفاعي في الإثنين يونيو 16, 2008 4:07 pm

أرجو أن لاتكون هذه المذكرات لكثير من طلابنا الأعزاء
متمنيا التوفيق للجميع
وأحسنت ياعمر

م حسام الرفاعي
عضو فعال
عضو فعال

عدد الرسائل : 249
العمر : 46
علم بلدك :
تاريخ التسجيل : 06/04/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى