اهداء الى الاخت العزيزه اليسار --- زهيري عراقي

شكرا" للسيد المحيط الهادي على الأبوذيّات الجميله
وهنا أقدّم بعضا" منها
كتبت بعضها وسمعت بعضها:
يل واعدتني ورحت أخاف يختلف وعدك
يبا ويضيع ذاك التعب بين مصاحبك واعداك
حاشاك جف الّلوم ما لامست وعداك
من يوم غبت عن عيني خايف
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ظروف مرّت عليّ وصدّقني ترى حاسبها
عدّت أيّام وسنين لو تعد بعدي حاسبها
مثل جمر الغضا يجون جروحي حاس بها
وأترجّاك لا يحز بالك عليّا
________________
ربّك يوم الخلق ويّا قدرته سبحانه أبدعاني
لو كنت وسط الحشا ويّا ضلوع أبدعاني
بس ياغالي لو تحبني ترى ما بعد أعاني
ذبحتني غربتك اش كثر
________________
من خطرنا عبالك يا حلو كلّمنا
حتّى لو بطرف عينك اذا ردت كلّمنا
لا يا هاجر حتّى لو طرف عينك كل منّا
أدعي ربّك يخلّيك ليّا
_______________
ناداني داعي الشوق وزاد جروحي
خش عليّ ابواب مقفّله وجروحي
ماني عيسى وعليّا جرى وحي
زاد الهم والأسى عليّا
______________
دق بابي يا ناس بيوم ولفاني
جاب البرد والشوق وبالحضن لفاني
لو حاولت منّي تهرب ألفّ آني
وأخلّيك يا عيني تدوّر عليّا
_____________
طير الوفا بداخلي تلوى انترس مندله
آنا للضيف أصب اقهوه من عيني مو من دله
ودلّيته درب العدل بس قال أبد مندله
وداس على قلبي وعبر رضّى وقلت ما رضّى
النوبه هوّالزعل عمّي القلب هوّ من رضى
رضيته هم ما رضى بوّسته هم مارضى
لا ترضى يطبّك مرض هسّه انت فد مندله
الدنيا وياي زعلت بيها أصالح وأخبرك كلشي ماظل
أنا اخبرك لا كلشي ماظل بيها أصالح
ماظل وأظل جم دوبه أقولن بيها أصالح
واذا صالح بقت القلوب تنقلب بي

السلام عليكم


كل الشكر والتقدير للثنائي الجميل االمحيط و اليسار

الذين اتحفونا بمواويلهم العراقيه الاصيله الزهيري
واهديهم :


بعدفركاك جم من الحزن صابني
وسهم الغدر بس انا من الخلك صابني
ومن كثر ما ونيت تدري العمئ صابني
ونيت اووني الذاك الصوب حده وصل
ابدا ولا مكتوب من وليفي وصل
وانهضم من تكطع عليه الوصل
من حيث كل الجره منك تره صابني




كــل الشـرايع الـچ مـفـتوحـه يلـه اوردي
ولـو چــان ماكــفتـچ اسـگيـچ مـن اوردي
ما بيـچ بـايع وطـن .. لا بيـچ خـان اوردي
بـغداد اهلـچ زلــم كلهم شهـامه وجــــود
علجرح دوسي إنهضي للدنيه إثبتي اوجود
منهل حضـارة يشـع .. اسمچ عله الوجـود
وجنـاس شعبچ غدت .. بسـتان من اوردي

ولفي حبّيتو صدّق ما يوم عصيتو
يا هل كربلا كل الناس تتمشّى عصيتو
يا موسى للبحر شكّت عصيتو
مثل ما انشك كلبي عالاحباب
........................................
من الشباك شافتني وشفتها
ياريك العسل ينبض من شفتها
خلك يا ناس لمّن شفتها
كروم اليابسه تحمل عنب

الغزل يدور بين عاشق ومعشوق
وللاسف شعري ما يبان بين اهل الذوق
اذا كتبت احس ان كلامي بينكم يا محيط واليسار مسحوق
وان سكتت اخاف تلموني وتعتبون وتقولون هذا الكلام له ما يروق
اذا نويت الشموخ خذه من محيط وان نيوت تتحلى بالعسل تراك بشوفة اليسار وكانك ليه تذوق
ويلي يدخل بينهم تراه للعشر يبوق
احس بينهم موده وعشره وشوق
يا ابو مالك تراك على الشهامه تفوق
ويا ريت حروفي تعجبك لاني ما اكتبها من يدي انا اسطرها من الخفوق..............................

هذه مجموعة أبوذيات أقدّمها للأعضاء الشاركونا همنا
أوجّه تحيّاتي الحارّة للسيّد المحيط صاحب الفكره
وعساه يارب دوم سالم
.................................
العين بعد طول السهر تتمنّى لقاكم
شدها الحنين يمكم لأجل تلقاكم
كم مرّة غاب عنّي لقا....كم
وانت بنظر عيني حاير
..........................
جفنك ياغالي دك ضلوعي مرّة وتهمني
عدّا عليّ الوقت فاتني وتهمني
صدّق لولا ريم الفلا تاه منّي
اركض بصحرا ودوّر عليّا
...................
انت يالغالي الجاي مرّة من عراقنا
بذلنا جهد لجلك وسالت عراقنا
همت بحبّك لو تعرف ترى عراق النا
آني لجلك أجدّد التحيّة
..................
حبّك ياغالي آني أحسّه ذنب وخطينا
ريت ربّك ما يسجّله ذنب وخطينا
رسمنا عالدرب حروف وخطّينا
بلكي ربّك يقسمك ليّا

لاادري هل هذه مشاركات
ام سيمفونيات تشدنا نحو زمن العراق الجميل
هذا هو الكلام الذي يدمي القلب ليعيده بلحظات وكلمات الى عقود
خلت ولا يزال عبيرها يعطي النفس الامل برجوع ولو عشيه من عشيات الحمى
بعيدا عن الشبشب والصر!!!!!!!!!!!!!!!!!!!!
تابعوا ارجوكم الى المزيد

احبائي واعزائي القراء 00000000
الى كل عربي صادق صدوق حبيت ان اهدي اليه هذه الابيات الجميلة من الشاعر ( مالك الحزين ) التي تعبرعن مجموعة من lالشهداء الذيين استشهدوا وهو يقاتلون الغزاة المحتلين في ارض العراق
اتمنى ان تنال رضاكم وردودكم
================
====================
=====================
=========================


يلي شلتوا النعش بالله ميلو بينه
ميلوا بينه انودع أهلنا وعادة اليرحل يودع أهله بدموعه ومن صورهم يملَ عينه
ميلوا بينه الشوك هزنه لحضن امنه ذيج الحبيبه الحنينه
جلمه منه وجلمه منا حيل مشتاكين وشتاكت حجينه
ميلوا بينه لعند امنه وبس نوادعه بجينـه
ميلوا بينه وشدعواكم ولو نظره ولو لمسه
نحني بيه اجفوف ادينه ونتواهب خاف زعلانه علينه
ميلوا بينه وعالمكان البيه ربينه البيت اهلنه انودع ايامَ وسنينه
ميلوا بينه الحي حبيبتنه الحزينه بلجي بوسه ازغيره منه
بلجي لو شفناه مره ارواحنا ترجع علينــه
ميلوا بينه وعلى ابريمه اهناك عدنه اعتاب يمـه
اهناك يا يمه ارتمينه اهناك زله الماحمانا وخان بينه
اهناك صار افراك يمه اهناك ضيعنه خوينـــه
وينه شو ما بيننه وينه شوما مر علينـــه
مودع ودربه السلامه وبالسخافه الذيب يوكع بيد شاة ايظل رهينه
ميلوا بينه وخاف يخلص هالنهار وهذه آخر ليله هينه
اولوله بيه انوب ليله ما حجينه وما بجينه وما ندهناكم يولو ميلوا بينه
ميلوا بينه وعالجسر وكفونه لحظــــه
جنه هينه ازغار نلعب عالجرف يحظن طينه
ميلوا بينه وفررونا ابهلحويجـــه
اوعالمنازل دار دار وكولوا لتراب الحويجه ايون علينه
واحجوا قصتنه لولدكم واحجوا حظكم
اوكولوا للأجيال ما خنه وفينه
اوكولوا للأجيال ما خنه وفينه
منقول ( مالك الحزين )

جنّن قلوب الكل ياغالي حدّك
من يمر سرب الحمام يمر حدّك
اذا اغلطت ياغالي الزم حدّك
مجبور ياناي صعبه عليّا
اذا ردت يا زين تسمع علومنا
قرّب منّا حتّى تسمع علومنا
آني اسمعت أهلك علّو منّا
تراني أحسّك اثقلت عليّا
....................
هواك يا بغداد عكلوبنا تربنا
لغيرج ما نحب أبد لو تربنا
احنا بهالأرض يابو عدّاي تربّينا
امضي احنا وياك سويّا
.................
كتبت الكلام لجل عيناك وهندست حروفي
بعت كل الناس لجل عيناك حروفي
آني انسجتلك من دموعي قصيد وحروفي
ولو تظل ويّاي مرّة تلاقيني حر وفي
وبعدها تاخذني المنيّة

مشكور م حسام الرفاعي
مرحبا" يا أصدفاء
شعبي لا يملك خبزا" ولا دواء
الحمد لله الذي شرّفنا باختيار الصدق في زمن النفاق
الله اللع أبلغو عنّي كل الظروف
تصنّعوا رادار من حديد
يقتل الحب ويخترق الوريد
ويلاحق دمع أمّي في الدعاء
يتسلّل في زواية الغرفه
ويزاحم ابني في المدرسه
يا محمد آه يا عرب

مشكور جدا على القصيده
التي عدتني الى ذكريات عميقه أبدية

لو الشوق ابعد عنّا والزمن راد
تراني أسوّي بيك يلّي أريده
واذا قاسيت قلبي بهموم وعناد
خذني براحة ايدك صديقة
راودني الحلم ويّا طيفك ينعاد
أيّامي تمر بعدكم ظريفه
يا ريت الزمن يقسى علي بعد وابعاد
من دموعي خذ دوا وطبيبه
انجبر قلبي من يوم الفراق
على همّ سكن قلبي وصميمه
احترت أشكي من بلوه العباد
أدعي ربّك يشوف حال العبد حويجه
اذا انت قرّرت ضعفك
لا تمس الشرف حال العبد كريمه
عدّاني الوقت والشيب والأيّام
وأشوف السنين بعمري قليله
لا تهيم بالجمال لو ردت انت تختار
حاجة المحب يبقى معبود لغيره
حتّى لو افرقت عنّي وردت الفراق
تبقى بحياتي مشكله مالها نتيجه

اخجل ان اكتب امام هذه العواصف الشعريه
فحروفي وشعري لا يليقان ولا يصلان لوصف المقاومه في العراق
قد اسطر حروفي بحبر سخيف
لكنهم يسطرون شعر بدمهم
فكيف لي ان اصف الدم بحثالة الحبر؟

خير الكلام هو كلام الله سبحانه وتعالى واشد الكلام تاثيرا في قلوب البشر
الذين هم يتاثرون بالكلام لا يجدون الا القران سبيلا
وغير ذلك فهم غاوون
وان لم تكن المقاومه في سبيل الله صافيه فهي بلا جدوى
ونحن العرب لم تؤثر فينا الصور التي نراها يوميا بالعراق وفلسطين والصوره اشد تاثير وواقعيه من الكلمه
فكيف تريدلمجاهد في سبيل الله ان تؤثر فيه قصيده هو متاثر تلقائيا ودينيا وعقائديا
وان لا انفي ابدا ان الكلمه لا تؤثر
انا كتبت انني لا استطيع ان اصف روعة دماء الشهداء بسخافة الحبر
وهذا ابدا لايعني اني اقصد ان الكلمه لا تؤثر
بل المعنى واضح جدا هو رفع قدر الشهداء عن اي وصف نصفه

السلام عليكم ورحمه الله وبركاته
بصراحه الكلمات المكتوبه جدا رائعه
نشكر الثنائي الرائع الاخ المحيط والاخت اليسار
لجميل العبارات السابقه واتمنى ان يغدقوا علينا من
نهر الفرات اجمل العبارات واجمل التحيات
وتقبلوا تحياتي